(媽媽:小玲!妳是走去叨位
妳甘有聽到媽媽在耶叫你
小玲!妳是媽媽的生命
妳著愛平安無代誌
小玲!小玲…)
為著要找阮女兒
離開著鄉里
無嫌路途遠嘟天
風雨日連暝
哪知行到台北街市
看著一時暗驚疑
到底你是站在叨位
叫阮要怎找你
(佳玉:妹妹!天色已經晚啊!
外面風擱這呢透你到底在叨位
你甘知影阮大家攏塊找你
我甲媽媽已經準備
要返去求阿媽同意
接你返來團圓
是按怎你要偷偷
離開小漁村咧)
可憐的小妹妹為何離開鄉里
害阮暝日思念你
探聽你消息
有人看見你在台北
所以拼命要找你
到底你是站在叨位
叫阮要怎找你
(佳佳:妹妹我是二姐
我甲大姐不在你的身軀邊
你腹肚若餓要按怎
腳若酸什麼人要甲你背
妹妹!你是在叨位
你到底是在叨位哩)
為著要找阮媽咪
勞苦日連暝
已經找伊規半年
全然抹得見
人嗎即多地頭生疏
想著心酸目屎滴
到底你是站在叨位
叫阮要怎找你