还细，欧巴，仰知妹仔要嫁
还细，欧巴，仰知么知妹家
延著爷哀吃奶尾满妹
跈著哥摆去驰岗打车
童年快乐，恬恬行过来
童年忒急，蹬蹬嘅离开
童年-----
妹仔最靓最畅嘅童年
妹仔最靓最畅嘅童年

慢慢正知，自家就系妹仔命
慢慢正知，就系人讲嘅加捡
童年结束嘅心情悲伤
漂漂冇冇嘅青春路上
浪想毋到，一台引擎嘅自由
浪想毋到，自家决裁嘅自主
浪想-----
妹仔青春路上心浪荡
妹仔青春路上心浪荡

欧巴离乡，人生四方吊晃晃
晃南晃北，半夜著惊紧失落
温温温温嘅心思乱喷
无名无份又要堪身份
感觉无根，像云乱乱飞
感觉无根，分风吹无停
感觉-----
妹仔无嫁盖像生无根
妹仔无嫁盖像生无根

青春年华，坐上爱人嘅Vespa
流浪忒遂，自家决裁要嫁
顾要生根嘅想法紧催
要嫁心情又不舍紧啄
车城二月，恁冷恁透落山风
愐起头摆，漂来漂去心头重
愐起-----
行家目汁一下泄落地
行家目汁一下泄落去
行家目汁一下泄落去
行家目汁一路泄落去