༄༅།།ལམ་འགྲོ་བ།།
གེ་རྒྱལ་པད་མ།
མཐོ་ནམ་མཁའི་བྱ་ལམ་གོང་མ་ནས། །
བྱ་ཐང་དཀར་ཞིག་གི་ཡར་ཤོག་ཟེར། །
ཡར་མི་ཡོང་ཐང་དཀར་སྐུ་ཚེ་རིང་། །
ཁྱེད་འདྲ་བའི་ནམ་འཕངས་ང་ལ་མེད། །
ཡར་མི་ཡོང་ཐང་དཀར་སྐུ་ཚེ་རིང་། །
ཁྱེད་འདྲ་བའི་ནམ་འཕངས་ང་ལ་མེད། །
མཐོ་ནམ་མཁའི་བྱ་ལམ་བར་མ་ནས། །
བྱ་རྨ་བྱ་ཞིག་གིས་ཡར་ཤོག་ཟེར། །
ཡར་མི་ཡོང་རྨ་བྱ་སྐུ་ཚེ་རིང་། །
ཁྱེད་འདྲ་བའི་མཛེས་ཉམས་ང་ལ་མེད། །
ཡར་མི་ཡོང་རྨ་བྱ་སྐུ་ཚེ་རིང་། །
ཁྱེད་འདྲ་བའི་མཛེས་ཉམས་ང་ལ་མེད། །
བྱ་དེ་དེ་འདྲའི་མཛེས་པ་ལ། །
གསུངས་སྐད་དེ་འདྲའི་སྙན་པ་ལ། །
བྱ་དེ་དེ་འདྲའི་མཛེས་པ་ལ། །
གསུངས་སྐད་དེ་འདྲའི་སྙན་པ་ལ་དང་ལ། །
མཐོ་ནམ་མཁའི་བྱ་ལམ་འོག་མ་ནས། །
བྱ་ཁུ་བྱུག་ཞིག་གིས་ཡར་ཤོག་ཟེར། །
ཡར་མི་ཡོང་ཁུ་བྱུག་སྐུ་ཚེ་རིང་། །
ཁྱེད་འདྲ་བའི་གསུངས་སྐད་ང་ལ་མེད། །
ཡར་མི་ཡོང་ཁུ་བྱུག་སྐུ་ཚེ་རིང་། །
ཁྱེད་འདྲ་བའི་གསུངས་སྐད་ང་ལ་མེད། །
བྱ་དེ་དེ་འདྲའི་མཛེས་པ་ལ། །
གསུངས་སྐད་དེ་འདྲའི་སྙན་པ་ལ། །
བྱ་དེ་དེ་འདྲའི་མཛེས་པ་ལ། །
གསུངས་སྐད་དེ་འདྲའི་སྙན་པ་ལ་དང་ལ། །
བྱ་དེ་དེ་འདྲའི་མཛེས་པ་ལ། །
གསུངས་སྐད་དེ་འདྲའི་སྙན་པ་ལ་དང་ལ། །
བྱ་དེ་དེ་འདྲའི་མཛེས་པ་ལ། །
གསུངས་སྐད་དེ་འདྲའི་སྙན་པ་ལ་དང་ལ། །