惣慶漢那金武からやいびしが
我んソーキん小買みそーれ
汝がソーキん小や曲いぬ悪さぬ
我ミージョキー小買ーみそーれ
我ね本部の瀬底どぅやいびしが
ムンジュル笠小や買うみそーれ
汝がムンジュル小や張いよぬ悪さぬ
我んクバ笠小買うみそーれ
我ね勝連照間どぅやいびーしが
寝座敷筵ー買ーみそーらに
汝が筵ん小や 縁ちうち悪さぬ
我んニクブク小買ーみそーれ
越来間切の上地どぅやいびーしが
荒バーキや買みそーらに
汝が荒バーキやどぅくから荒さぬ
我んユナバーキ買ーみそーれ
山内諸見里の桃売アン小やいびしが
山桃小や買うみそーらに
汝が山桃小や青さぬ食まらん
我ん白桃小買うみそーれ
我ね糸満魚売りアン小やいびーしが
グルクン小や買うみそーらに
汝がグルクン小や匂いぬ高さぬ
我ん飛烏賊小買うみそーれ