الجحش قال للحمار يابا إدينى الحنطور يابا أنت سنك كبر وجب عليا الدور الجحش قال للحمار يابا إدينى الحنطور يابا أنت سنك كبر وجب عليا الدور كح الحمار كحة فزعت لها الركاب مش يا ابنى بالصحة دة كل شئ ب حساب كح الحمار كحة فزعت لها الركاب مش يا ابنى بالصحة دة كل شئ ب حساب وسواقة الحنطور محتاجة حد حكيم وأنت عينيك فارغة همك على البرسيم قولى تسوق ازاى والتبن مالى عينيك حتى حبل اللجام واسع يا ابنى عليك اعقل وبطل طمع لا تسخن الركاب ماتجيش يا واد جمبهم لا تبقى ليلة هباب دول صنف ناس جبار قادر مالهش أمان ويبان عليهم وهم لكنهم فرسان يابا دة نومهم تقل وبقاله يابا سنين كل البشر صحصحوا ولسة دول نايمين يا جحش بطل هبل بلاش تعيش مغرور ركابنا مش أغبياء ولا عضمهم مكسور بكرة هيصحولك ويزلزلوا الحنطور وتلاقى فى قفاك تمانين خازوق محشور الجحش قال للحمار يابا إدينى الحنطور يابا أنت سنك كبر وجب عليا الدور الجحش قال للحمار يابا إدينى الحنطور يابا أنت سنك كبر وجب عليا الدور