作词 : Cyrus Valdez
作曲 : Cyrus Valdez
Verse:

Noong ako'y musmos pa lamang
Ako'y 'yong laging buhat buhat
O, ang ating mga tawang wagas
Angkas angkas sa'yong balikat
Abot kamay ko na ang langit
Parang hawak ko na nga ang araw
'Di naman pala gano'n kainit
Ngunit ito nga'y nakakasilaw

Tuwing ako'y iyong karga
Pakiramdam ko ang gaan ng buhay
Ang mundo ngayong walang tinta
Dati'y 'di ko mabilang ang kulay
Busog parati ang mga mata
Lahat ng makito ko no'n
Pero tila sila'y nawala
No'ng nagsimula akong tumanda

Nakakabigla
Bigla bigla na lang bumigat
Sa isang iglap
Biglang 'di mo na ako mabuhat
Binulungan, "Anak
Tuturuan na kitang maglakad"
Ako'y 'yong binaba
At lahat na lang ng aking hinakbang
Ako'y nadapa

Chorus:

Isakay sa'yong balikat
Upang ako'y makalipad
Itago sa'yong yakap
Ibaon sa'yong dibdib
Upang ako'y makaidlip
'Wag mo nang luwagan
Ang kapit mong mahigpit

Verse:

Dati rati 'pag madilim na
Takot parati
'Pag matutulog na
Ika'y katabi, sa kumot kahati
Biglang magtatalukbong
'pag may kumaluskos sa bubong
Ako'y 'yong pakakalmahin
Sa pamamagitan ng pagbulong sa aking tenga

"Teka, bakit ka natatakot?
'Di ba yakap yakap kita
Mula paa hanggang sa batok?
Kumpara sa kumot na 'yan
Saki'y mas protektado ka, 'di hamak
Pangakong habang nandito ako'y
Ika'y kailanma'y 'di mapapahamak"

Dahan dahang paghatak sa'kin
Papalapit sa'yo
Anong ginhawa naramandaman
Makatabi ang puso mo
Madikit lamang sa'yong dibdib
Tiyak mahimbing ang tulog ko
At mananaginip na habambuhay
Ika'y makakapiling ko

Chorus:

Isakay sa'yong balikat
Upang ako'y makalipad
Itago sa'yong yakap
Ibaon sa'yong dibdib
Upang ako'y makaidlip
'Wag mo nang luwagan
Ang kapit mong mahigpit

Verse:

Unti-unting napapansin ang 'yong lakas na
Tumatakas sabay ng pagdagdag ng 'yong edad at
Ang realidad ng mga panahong
Lumipas na sa kahapon
Nakikita ko pa rin sa'yong mga mata
Hanggang ngayon

Pagpasensyahan mo na
Ang aking mga nagawa
Mga pagkakamaling ikaw rin nagsabing
Likas sa aming mga bata
Pero bakit nang tumanda
Ligaw pa rin at walang alam
Ilaw mo pa rin ang tinitingala
Takot pa rin at naguguluhan

Ngunit anong sakit na
Makita ang 'yong bayani
Na pinilit kayong iahon
Araw araw siyang kumayod
Ngayon hirap ka na ngang bumangon
Pero 'wag mag alala
Dahil ako ngayo'y babawi
Magpahinga ka na, mahal
Sa'yong pagod ako ang papawi

Chorus:

Sumakay sa'king balikat
Upang ika'y makalipad
Magtago sa aking yakap
Sumandal sa aking dibdib
Upang ika'y makaidlip

Tandaan na lagi kang
Nasa puso't isip

Tandaan na lagi kang
Nasa puso't isip

Tandaan na lagi kang
Nasa puso't isip