作曲 : 林暐哲
 作词 : 林暐哲
我做囝仔的时阵　不知啥米叫做无伴
功课那咧写　外口都那咧唤（喂出来喔仔标喔）
彼个死囝仔阿文尚大声　每拜害我去给阮母仔骂
不过愈骂心肝煞愈痒　功课连一半着写没了
仔标沙咧着没看耶影　拢无惊到时阵会吃两顿打
暗顿吃妈妈　早顿老师请
反正手也未膨泡　仔标一定爱赢
义美耶铁饼盒仔里底　圆圆仔仔标一桶一桶
有新　有旧　有赢来　有买来　拢总马有归百张
我没别项会赛　仔标尚厉害
我没别项会赛　仔标是我的世界
仔标给妈妈烧了了　我开始了解什么叫做无情
仔标咧着火　我心内的火咧着（唉查某人心肝真雄）
阿文带头耶那阵猴囝仔　自那拜着未曾来招我去游玩
害我读册愈读愈无心情　功课归去煞拢没写
铅笔举咧嘴耶黑白咬　对人生我开始感觉无聊
三顿照常吃　打骂拢不惊
等我后拜大汉　仔标一定爱赚饱饱
银行耶屉仔内底　四四角角耶仔标一塔一塔
有新　有旧　大笔　小笔　一天嘛有归百万
我没别项会赛　数仔标尚厉害
我没别项会赛　我活在仔标的世界
我活在仔标的世界
仔标是我的世界 仔标是我的世界