作曲 : Ozseb Aron Toth
Cras amet qui nunquam amavit; quique amavit cras amet.×4
Ver novum, ver jam canorurn, vere natus orbis est;
Vere concordant amores, vere nubunt alites,
Et nemus comam resolvit de maritis imbribus.
Cras amorum copulatrix inter umbras arborum
Inplicat casas virentes de flagello myrteo:
Cras Dione jura dicit fulta sublimi throno.
Cras amet qui nunquam amavit; quique amavit cras amet..×4
Ecce jam super genestas explicant tauri latus,
Quisque tutus quo tenetur conjugali foedere:
Subter umbras cum maritis ecce balantum greges;
Et canoras non tacere diva jussit alites.
Jam loquaces ore rauco stagna cycni perstrepunt;
Adsonat Terei puella subter umbram populi,
Cras amet qui nunquam amavit; quique amavit cras amet..×4
Ut putes motus amoris ore dici musico,
Et neges queri sororem de marito barbaro.
Ilia cantat, nos tacemus. Quando ver venit meum?
Quando fiam uti chelidon, ut tacere desinam?
Perdidi Musam tacendo, nec me Apollo respicit;
Sic Amyclas, cum tacerent, perdidit silentium.
Cras amet qui nunquam amavit; quique amavit cras amet..×4