牡丹亭驚夢 5 (回生) 麗娘白）柳郎...柳郎... 夢梅白）哎吔...哎吔...你...你 麗娘白）柳郎......莫非你猜透了燈謎, 不用麗娘點化. 夢梅白）原來你講燈...燈已滅, 緣已絕, 原...原來你係一只...一只夜鬼回衙. 麗娘白）吓, 夜鬼回衙呀... 麗娘唱) 唉, 艷質久塵埋, 冷落泉台下, 身在桐棺伴冷霞, 由來鬼物招人怕, 試問誰甘夜接鬼回衙, 一夢死三年, 一見了三生, 祗剩得一段人鬼相思留...留佳話. 夢梅白）哎吔, 麗娘...麗娘, 你唔好行. 夢梅唱) 麗娘...係鬼也不驚怕, 我抱膝慘喚麗娘向地爬, 你為我死, 香銷鏡花, 我哭句曲終線斷空抱琵琶, 拜艷尸抱落霞. 夢梅白）麗娘...麗娘, 我同你夢中生情, 你為我而死, 生不能為我婦, 死亦當為我妻, 麗娘妻, 你...你稍候我片時, 待我複上小樓懸梁自盡, 那怕陽間難配偶, 我地地府都可成家. 麗娘白）哎吔, 慢... 麗娘唱）夢梅...不枉我傾心也, 抱君慘喚夢梅血淚瑕, 你肯為我死, 施恩更加, 我不怨天不怨地，反覺榮華, 復活花再萌芽. 麗娘白）柳郎...柳郎...如果你唔講出呢一番衷心說話, 我就算喺雖可回生, 亦羞慚復活囉，柳郎夫... 夢梅白）麗娘妻... 麗娘白）我當年雖為落花驚閃而亡, 猶幸十殿閻君佢翻檢姻緣部冊, 話注定我同你先有幽歡, 後成明配...所以雖登鬼錄, 我都未損人身, 今日我陽錄將回, 陰數都已盡囉, 日前為柳郎而死, 我今日為柳郎而生, 柳郎, 你若能在明日未過辰牌剜碎桐棺, 我同你都尚可再續姻緣之份. 夢梅白）麗娘...麗娘...世間上只有精靈不死唧, 邊處會有三載回生之理呀. 麗娘白）柳郎，我點會呃你呢, 嗱, 麗娘尚有叮嚀我願君記取, 你既以我為妻, 勿誤我辰牌時份, 否則過了冥期所限, 即今生, 亦難再有相見之日矣, 哎吔, 我...我要走啦. 夢梅白）麗娘妻...麗娘...麗娘...哎吔, 等我破棺重接再生花. 石姑白）秀才, 哎吔, 乜你發癲呀, 偷掘清墳比人睇見拉你去官衙問話. 韶陽女白）師父你又咪話我幫實佢呀, 若果佢係偷墳又點會當住我哋兩人面唧, 我睇佢用意另有其它. 夢梅白）哎吔, 道姑幾時係辰牌時份, 妳把我提點吓. 石姑白）辰牌呀. 韶陽女白）辰...辰牌時份就牡丹亭角日上就係嗱, 日規指示半點無差. 夢梅白）唔好阻住我. 石姑白）你做乜嘢呀. 夢梅白）妳幫吓手囉, 若果我掘開呢個墳, 妳哋小姐可以回生. 石姑白）死咗三年又回生. 夢梅白）妳幫吓手啦好心啦, 若果唔幫手, 我真係唔夠力, 過咗辰牌時份, 你哋小姐唔可以回生架啦, 幫手啦. 夢梅唱）卿在望鄉台上聽根芽, 並非是我夢梅情太寡, 我恨無血浪去淘沙, 麗娘妻囑咐如非假, 回生夢轉眼化煙霞, 剮破了指頭無力剮, 驚心紅日上亭枒, 不若我創死墳前, 韶陽唱） 石姑白）哎吔, 屍變呀 夢梅白）唔係屍變 夢梅唱）哎吔吔..快啲預備七寶神菜呀. 麗娘唱）一陣杜娟聲, 知到了採 , 有誰道迷離天下. 夢梅白）哎吔, 麗娘妻. 麗娘白）柳郎夫. 夢梅白）哎吔, 好囉 石姑白）安樂囉, 安樂囉 夢梅白）哦, 你使乜避開我呢, 呢位石姑姑同埋呢個韶陽師姐, 係打理妳個墳墓, 昨晚你經已送抱投懷, 今朝你又駛乜嘢驚怕呢. 麗娘白）昨夜麗娘是鬼, 今日麗娘是人, 所謂鬼可虛情, 人須實禮, 相公熨貼, 寧不面泛紅霞. 夢梅白）呀, 我哋夢裏綢繆, 又不是斗室幽歡, 你又駛乜驚呢, 不如趁今宵月明我哋重續未完嘅情話. 麗娘白）夢裏綢繆乃是精靈相接, 我復活身仍是豆寇花. 石姑白）我恭喜秀才恭喜小姐, 杜小姐你再世姻緣, 不嫁都還須要嫁 ,太守爺在淮陽鎮守, 有我為媒証, 就可與小姐仍可草草成家, 但喺秀才就要赴試臨安, 不如買葉輕舟, 你夫婦兩人, 暫時去杭洲避開吓 . 夢梅白）避開吓 . 石姑白）你不能不去 夢梅白）點解呢 石姑白）無錯啦, 假如今朝事情敗露, 小姐有妖冶之名, 秀才有發掘之罪, 論罪就要帶鎖披枷. 夢梅白）哎吔, 咁點呀小姐. 夢梅唱）蘇提畫舫花燭夜, 與嬌同結合歡花, 博個雁塔留名金榜掛. 麗娘唱）我拔下金釵除玉鐲, 免貽道長上官衙. 麗娘白）姑姑 石姑白）吓 麗娘白）多謝你兩位成全, 不能因我走後連累於你嘅, 我此去杭洲, 與相公穴居於蘇提之畔, 門外種一梅一柳, 姑姑有暇時多多到訪, 石姑白）定必到訪 麗娘白）有媒有証, 當不至招人非議. 麗娘唱）為記牡丹亭畔再生緣, 相公呀你帶我攜回丹青畫. 韶陽白）嚇死我 石姑白）小道姑乜你面都青埋滿頭汗呀. 韶陽白）梗係啦我而家先至慌完咋 石姑白）唔駛驚嘅, 呢你睇下千金小姐, 即是千金小姐, 佢成全咗自已嘅姻綠, 仲顧慮到我哋, 更仲顧慮到將來, 確係一啲都唔漏罅 韶陽白）師父呀, 不如我哋都返去杭洲白雲庵住啦, 免至被官府追查 最良白）係啦係咁上下就到啦, 行慣咗, 都話係啦, 哎, 一年一度, 哎, 揾碗三及弟祭下你啦, 嘩, 做咩嘢個香爐會嚀咗落嚟哩樹呢, 邊個咁手多呀吓, 嚀返上去唏擺得好好哋, 咁至係咖嗎, 咦咦. 最良唱）誰個把桐官發掘, 盜去了鳳珮珠暇, 哎吔, 毀及倩女個金軀, 我不禁嗆地呼天, 連哭帶罵. 最良白）哎吔, 陰公呀你哋, 邊一個做棺財老鼠呀, 哎吔, 陰公啦, 開棺盜寶呀, 哎吔, 邊一個掘人山墳呀, 哎吔, 陰公呀陰公囉, 你哋開棺盜寶都唔話得你哋, 唔好連人哋嘅屍骸都扔埋落蓮塘呀, 陰質呀陰質, 袞啦, 呢個蓮塘就通大海個播, 袞啦呢賬, 一定係大魚食咸魚定囉, 邊個龜蛋咁無腰骨, 唔使笑, 知到八八九九, 除咗個隻壞鬼書生柳夢梅之外, 仲邊一個有咁狠心狗肺呢, 好我即刻返去南樓找佢, 找得著佢由自可, 如果揾佢唔到哩, 我就馬上奔上淮陽向老大人稟明一切得嘅. 最良唱）我叫佢描容繪影, 出榜呀擒拿.