བཀྲ་ཤིས་སྨོན་འདུན།
ལེན་མཁན།ཤེར་བསྟན།
སྒྲིག་པ་པོ།བློ་བཟང་ཚེ་རིང་།

གསེར་གྱི་ལེ་ཉི་མ་ཤར་འདྲ་བོ།
དཔེར་བཞག་ན་རྩ་བའི་བླ་མ་རེད།
གསེར་གྱི་ལེ་ཉི་མ་ཤར་འདྲ་བོ།
དཔེར་བཞག་ན་རྩ་བའི་བླ་མ་རེད།
སྐུ་གསེར་གྱི་ཉི་མ་ཤར་འདྲ་རེད།
གསུང་སྙན་མོ་རྣ་བར་རང་འགྲུབ་རེད།
སྐུ་གསེར་གྱི་ཉི་མ་ཤར་འདྲ་རེད།
གསུང་སྙན་མོ་རྣ་བར་རང་འགྲུབ་རེད།
ཁོང་སྐུ་ཚེ་བརྟན་པའི་བཀྲ་ཤིས་ཤོག
དཀར་ལམ་མེ་དུང་ཟླ་ཤར་འདྲ་བོ།
དཔེར་བཞག་ན་བྱམས་ལྡན་ཕ་མ་རེད།
དཀར་ལམ་མེ་དུང་ཟླ་ཤར་འདྲ་བོ།
དཔེར་བཞག་ན་བྱམས་ལྡན་ཕ་མ་རེད།
ཞལ་འཛུམ་དཀར་ཟླ་བ་ཤར་འདྲ་རེད།
ཚིག་སྙན་མོ་རྣ་བར་རང་འགྲུབ་རེད།
ཞལ་འཛུམ་དཀར་ཟླ་བ་ཤར་འདྲ་རེད།
ཚིག་སྙན་མོ་རྣ་བར་རང་འགྲུབ་རེད།
ཚེ་བསོད་ནམས་རྒྱས་པའི་བཀྲ་ཤིས་ཤོག
འོད་ལམ་མེ་འཇའ་གུར་ཕུབ་འདྲ་བོ།
དཔེར་བཞག་ན་སློབ་དཔོན་དམ་པ་རེད།
འོད་ལམ་མེ་འཇའ་གུར་ཕུབ་འདྲ་བོ།
དཔེར་བཞག་ན་སློབ་དཔོན་དམ་པ་རེད།
ཤེས་ཡོན་ཏན་མཚོ་མོ་རང་འཁྱིལ་རེད།
ནང་སློབ་བུ་སྟོང་གི་རྒྱན་ཆ་རེད།
ཤེས་ཡོན་ཏན་མཚོ་མོ་རང་འཁྱིལ་རེད།
ནང་སློབ་བུ་སྟོང་གི་རྒྱན་ཆ་རེད།
མཚན་སྙན་གྲགས་རྒྱས་པའི་བཀྲ་ཤིས་ཤོག
ཁྲ་ཆིལ་ལེ་སྐར་ཚོགས་ཤར་འདྲ་བོ།
དཔེར་བཞག་ན་བོད་རིགས་སྤུན་ཟླ་རེད།
ཁྲ་ཆིལ་ལེ་སྐར་ཚོགས་ཤར་འདྲ་བོ།
དཔེར་བཞག་ན་བོད་རིགས་སྤུན་ཟླ་རེད།
བློ་རིག་པ་སྐར་ཚོགས་ཤར་འདྲ་རེད།
ནང་མཐུན་སྒྲིལ་འོད་མདངས་རང་འགྲུབ་རེད།
བློ་རིག་པ་སྐར་ཚོགས་ཤར་འདྲ་རེད།
ནང་མཐུན་སྒྲིལ་འོད་མདངས་རང་འགྲུབ་རེད།
ལས་བསམ་དོན་འགྲུབ་པའི་བཀྲ་ཤིས་ཤོག
སྒྲིག་པ་པོ།བློ་བཟང་ཚེ་རིང་།