Ai! laurië lantar lassi súrinen,
yéni únótimë
ve rámar aldaron!
Yéni ve lintë yuldar avánier
mi oromardi lisse-miruvóreva
Andúnë pella, Vardo tellumar
nu luini yassen tintilar i eleni
ómaryo arietári-lirinen.

Si man i yulma nin enquantuva?

An si Tintall Varda Oiolossëo
ve fanyar máryat Elentári ortanë
ar ilyë tier unduláv? lumbulë,
ar sindanóriello caita morinë
i falmalinnar imbë met, ar hisië
untúpa Calaciryo miri oialë.
Si vanwa ná,
Rómello vanwa, Valimar!

Namárië! Nai hiruvalyë Valimar.
Nai elyë hiruva. Namárië!