Es war a Montag vor gor net so langer Zeit De Vögl ham net g'sunga und de Glockn ham net g'leit Do hams an Kneißl Hias zu Hinrichtung g'fahrn - im Rollstuih Denn im sein Buckl do warn de Kugln von de boarischn Schandarm "Fangt de Woch scho wieda guat oh" Und da Henka hot eahm Kapuzn übern Kopf drüber do Doch da Hiasei, der war koid Der hot g'wusst, er muass scho boid in den ewign Woid Wo er lebn kann ganz in Frieden mit seiner Frau und mit seim Kind Wo er se net verstecka braucht, wo koa Polizist eahm find Do wo de Wälder voi san voller Hirsch und voi Hasn und voller Reh Do wo er schiassn ko, wenn er Hunger hot und wo er bodn konn drin im See Wo er lebn konn, wia's eahm in Sinn kimmt Koa Pfarrer und koa Bürgermoaster Und wenn's eahm g'freit, dann geht er langsam Und wenn's n g'freit, dann laaft und roast er Freilich ham se de Leit scho g'fiacht vor sei'm ruassig-schwarzn Gsicht Doch hot ma d'runtergschaut, do war's a ganz a guate Haut Hot de Polizei aa g'sogt: "Leit, passt's auf, der Mo is g'färlich!" Doch wer ihn kennt hot, der hot g'wusst, der Mo is guat, der Mo is ehrlich Oft gnuag hot der de geidign Leit scho wos g'numma - a so a Freid! Doch er hot's nia soiba b'hoitn, gibt's de Arma, gibt's de Oidn Er war oana von de Oidn, er war oana von de Echtn Aber g'jogt ham's eahm sei Lebn lang, wiar an Hund, an ganz an schlechtn Er war oana von de Oidn, er war oana von de Großn Drum hams'n 1902 zum Krippe zammag'schossn Er war oana von de Oidn, er war oana von de Echtn Aber g'jogt ham's eahm sei Lebn lang, wiar an Hund, an ganz an schlechtn An Kneißl Hias...