风靡海峡两岸的著名歌星邓丽君
今日下昼响泰国清迈一间酒店
突然因哮喘病发逝世
终年四十二岁
邓丽君原籍山东
一九五三年响台湾出生
来自一个军人家庭
十一岁已经开始登台表演
迅速受到本土人士嘅欢迎
并且经常穿梭台湾、香港
以及东南亚地区演唱
以甜美婉约而富东方女性韵味嘅
独特唱腔红透半边天
邓丽君嘅事业巅峰期
係七十年代中期至到八十年代
当时 佢嘅歌曲开始响中国大陆流传
引起咗一股空前绝后嘅邓丽君热潮
无论係大城市或小乡村
佢嘅歌声总会响空气中此起彼落
令无数中国人如痴如醉
有人话 有中国人嘅地方
就会听到邓丽君