Nun perdiéremos entá
les esperances
de dominar la fame,
entós les calles parecíen tan mortales.
La manana asomaba
frayándomos la boca
tintándote los llabios d'azul.
Por sistema caminábemos
buscando la solombra,
calculando la estratexa de los portales.
Los minutos pasaben
dilatando les pallabres, los díes,
como escaparates
esclariando al sol.
Al Oeste de la divisoria
onde les lluces del parque
nun dexaben de brillar.